• 婚宴鋪張 賠了夫人又折兵

婚宴鋪張 賠了夫人又折兵

_MG_0001

年尾喜事特別多,一對新人結婚,當然可喜可賀,大宴親朋亦屬人之常情,不過大家有無留意,一般飲宴表面上喜氣洋洋,實際上卻是極盡浪費之事?就以典型港式酒席為例,席上八道菜未計飯、麵、甜品和生果,份量遠超正常食量;香港人又習慣遲開席,賓客明知九點後才有飯吃,就會食茶點、粉麵等「打底」,到正式上菜時已經半飽,餸菜當然乏人問津,只好倒掉。

其實人人都知道浪費食物大為不該,長輩亦自小教我們倒米「折墮」,但近年社會富足,不愁衣食,又覺得婚宴一生一次,要顧及面子、排場,覺得有必要大排筵席,方能對得住自己、長輩和賓客。但大家只要冷靜一下,就知道這種安排,根本是對唔住自己、對唔住親友、對唔住地球。一是漠視健康,席上美食,無一不是「四高」,只能滿足一剎那味覺享受,實際上令全場賓客腸胃受苦;二是浪費食物,無視堆田區快滿之患,無視世上每分每秒都有人餓死;三是大灑金錢,卻換來上述問題,可謂賠了夫人又折兵。

近年不少團體推廣環保婚宴, Green Monday亦推行Green LUCK Banquet,鼓勵大家「惜食、無翅、素一道」,回收飲宴剩食、推廣無翅飲宴,以及鼓勵主人家在菜單加入素菜,去年得各位善長在周年晚宴上捐助,更添置首架剩食回收車,下次知道有親戚朋友辦各種宴會,不妨聯絡我們,以行動在喜慶日子實踐惜福積福。

(聯繫Green LUCK 團隊: 22633172; greenluck@greenmonday.org)

Tagged with :

About the Author

The Author has not yet added any info about himself

Comments are closed.